Ворух як гӯшаи кишвари азизи мо маҳсуб меёбад. Ҳодисаҳои охире ки дар ин минтақа ба вуқӯъ пайваст боиси марги якчанд нафар гардид боиси нигарони аст. Албатта инҷо маълум аст, ки кори дасти сеюм баръало ҳис мешаванд. Душманони мардуми мо имрӯз тинҷиву осудагии моро дида бо ҳасрат менигаранду ба хашм меоянд, зеро душманон намехоҳанд, ки сарзамини мо осуда бошад. Лек мардуми Тоҷикистон, ки ҷанги хонумонсӯзро дида буд намегузорад, ки оташи ҷанг дар диёрашон бори дувум барахрофта шавад. Зери таъсири аҷнабиён миёни мардуми ду кишвари наздимарзӣ кинаву адоват ҷой дода шудааст ва боиси чунин кашмакашиҳо гардидааст.

Мо Тоҷикистониён доимо тарафдори сулҳ ва осоиштагии кишвари худ ҳастему намегузорем, ки дар диёрамон майдони ҳарбу зарби бегонагон гардад. Таърих ва ҳодисаҳои ҳамарӯзаи давлати исломии Афғонистон барои мо дарс аст, ки ин минтақа зери назорати гурӯҳҳои гуногун қарор дошта дар он касе осоишта зист намекунад. 

Мардуми Тоҷикистон бо ақлу заковат ва хиради худ дилхоҳ муноқишаҳо аз ҷумла муноқишаи Ворухро ҳаллу фасл намуда бо якдигарфаҳмӣ ба ин масъала нуқта мегӯзоранд. 

 Умеду боварии комил аст, ки дар масъалаи бартараф намудани нофаҳмии марзӣ миёни аҳолии ду кишвар шахсони мутасаддӣ кор карда дар ин ҷода тадбирҳои иловагиро саривақт меандешанд. 

Раҷабов Ҷ-сокини н.Восеъ 

Илова кард: Администратор | Илова шуд: 20-09-2019, 14:36:01 | Диданд: 387