Дар ҷаҳони имрӯза халқу миллатҳои зиёде мавҷуданд, ки таърихи ҳазорсола доранд. Онҳо забон ва дигар унсурҳои таърихии худро доро буда аммо дар хоки дигар давлатҳо зисту зиндагонӣ мекунанду сарзамини ягонаи хешро надоранд.

Бештари халқиятҳо муддати садсолаҳост, ки барои ҷудо намудани сарзамин барои давлати худ мубориза мебаранд. Мавҷуд будани ҳудуд ва сарзамин барои ҳар як шаҳрванд ифтихор аст. Беҳтарин эҳсосот он аст, ки вақте, ки аз сафар ба зодгоҳи худ ба ҷое, ки хуни нофат рехтааст бар мегардӣ. Эҳсоси ватандорию ҳисси миллӣ дар вуҷуди ҳар як инсон мавҷуд мебошад.

Дар шароити имрӯза моҷарои сарҳадӣ дар минтақаи Воррух бо давлати Қирғиз дар тамоми васоити ахборои омма сару садоҳоеро баланд намуда ҳар як нафар фикри худро баён менамояд. Ба ақидаи баъзан нафарон ҳалли мушкилоти марзӣ ба зудди муссар мегардад. Аммо дар асл ин кори мушкил буда барои ҳалли он танҳо масъулини ботаҷриба қодиранд, ки ба ин мушкилот хотима гузоранд.

Мо шаҳрвандон бояд дар ҳалли масъалаҳои марзиву маъмурӣ зиракии сиёсиро аз даст надода худро масъул шуморем.

Баъзан нафароне, ки душмани давлати азизи мо мебошанд аз ин корҳои хело хурд воқеа ва ҳодисаи бузург тарошида худро назди хоҷагонашон вонамуд мекунанд. Дар асл ҳар як фард бояд мавқеашро дар ҷомеа бояд донаду бузургтарин неъмат ин истиқлолияти давлати аст онро ҳифз намояд.

Мирзоалиев Х-сокини н.Восеъ

Илова кард: Администратор | Илова шуд: 17-10-2019, 12:29:05 | Диданд: 505