Дар сомонаи Агентии миллии иттилоотии “Ховар” хабареро хондам, ки дар бораи сафари кории Пешвои миллат ба Конфедератсияи Швейтсария ва Ҷумҳурии Франсия маълумот дода шуда буд. Дар хабари мазкур навишта шуда буд, ки “Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати анҷоми сафари расмӣ ба Конфедератсияи Швейтсария ва Ҷумҳурии Франсия сафар карданд.

Дар ин сафар Президенти Ҷумҳурии Тоҷикистон Эмомалӣ Раҳмонро Вазири корҳои хориҷӣ, Ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ, вазирони рушди иқтисод ва савдо, молия, энергетика ва захираҳои об, саноат ва технологияҳои нав, раисони Кумитаи давлатии сармоягузорӣ ва идораи амволи давлатӣ, Кумитаи рушди сайёҳӣ, Бонки миллии Тоҷикистон, Президенти Академияи илмҳои Тоҷикистон, ректори Донишгоҳи миллии Тоҷикистон ва дигар шахсони расмӣ ҳамроҳӣ мекунанд”.

         Албата барои ман ҳамчун хонанда муҳим аст, ки доимо аз сиёсати созандаи Ҳукумати кишвар бохабар бошам. Ҳар як қарор ва санадҳое, ки дар сатҳи ҳукумати ҷумҳурӣ қабул мегарданд барои беҳбудии ҳаёти имрӯзаи мо мебошанд. Мо шукрона мекунем, ки оҳиста-оҳиста сатҳи камбизоатӣ аз миён рафта сатҳи некуаҳволии мардум беҳтар гардид.

Боварии комил дорам, ки дар ин сафари Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Конфедератсияи Швейтсария ва Ҷумҳурии Франсия боз созишнома ва аҳдномаҳое баста мешаванд, ки ба ташккули ҷомеаи кишвари мо замина хоҳад гузошт.

Раҷабов Ҷ-сокини н.Восеъ

Илова кард: Администратор | Илова шуд: 05-11-2019, 12:45:13 | Диданд: 434