бо мақсади баргузор намудани чорабинии “Рӯзи Парчами давлатии Ҷумҳурии Тоҷикистон” нақшаи чорабиниҳо тасдиқ гардида  тибқи он чорабинии тантанавию фарҳангӣ санаи 24-уми ноябри соли 2019 дар маркази ноҳия баргузор гардид.

         Бо иштироки беш аз 2000 нафар кормандони ташкилоту муассисаҳо, фаъолон, ҷавонон ва шаҳрвандон роҳпаймоӣ гузаронида шуда, Парчами давлатии Ҷумҳурии Тоҷикистон бо дарозии беш аз 100 метр то макони чорабинӣ ҳамчун рамзи садоқат расонида шуд.

Дар чорабинии мазкур намояндаи мақомоти иҷроияи ҳокимияти давлатии вилояти Хатлон Раҳимов Ҳабибулло-сардори Раёсати молияи минтақаи Кӯлоб иштирок доштанд. Баъд аз табрикоти роҳбарият ба муносибати “Рӯзи Парчами давлатии Ҷумҳурии Тоҷикистон”    чорабиниҳои фарҳангӣ ташкил ва гузаронида шуданд. Зимни баромад қайд гардид, ки зери Парчами давлатии Ҷумҳурии Тоҷикистон мардуми шарафманди Тоҷикистон бо сарварии Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар бунёди давлатдории миллӣ тавонист Тоҷикистонро ҳамчун давлати ягона ва соҳибистиқлол муаррифӣ намояд. Ҷиҳати ташвиқу тарғиби чорабиниҳои идона дар Рӯзномаи ноҳиявии “Гулхани Восеъ” бахшида ба “Рӯзи Парчами давлатии Ҷумҳурии Тоҷикистон”  3 мақола 1 шеър чоп гардида, дар телевизиони маҳаллии “Мавҷи Озод” барнома ба намоиш пахш карда шуд.

Илова кард: Администратор | Илова шуд: 26-11-2019, 14:31:13 | Диданд: 429