Паём – роҳнамои асосӣ  ва ифодакунандаи зиндагии шоистаи мардуми шарифи Тоҷикистон маҳсуб меёбад. Паём ҳуҷҷати тақдирсози умедвории ҷомеа маҳсуб ёфта, дар он тамоми паҳлуҳои ҳаётан муҳими ҷомеа инъикос гардид. Президенти кишвар дар паёми худ ба Маҷлиси Олии Ҷумҳурии Тоҷикистон самтҳои асосии сиёсати дохиливу хориҷии мамлакатро барои давраҳои оянда муайян намуда, роҷеъ ба пешбурди манфиатҳои хориҷии кишвар ва таъмини пешрафти соҳаҳои иқтисоду саноат, истеҳсолот, энергетика, роҳу нақлиёт, амнияту мудофиа, ҳифзи ҳуқуқу тартибот, тандурустӣ, фарҳанг, илму маориф, ҳифзи иҷтимоии аҳолӣ, ҷавонон, варзиш ва сайёҳӣ вазифаҳои мушаххас ба миён гузоштаанд. Президенти Ҷумҳурии Тоҷикистон ҳукуматро вазифадор намуданд, ки минбаъд ба паҳлуҳои сифати рушду инкишофи иқтисоду истеҳсолоти миллӣ, тақвияти нерӯи инсонӣ, бо истифода аз технологияҳои муосир ба татбиқ намудани навоварӣ вусъат бахшидани истеҳсоли маҳсулоти ватанӣ, баланд бардоштани фаъолияти соҳибкориву сармоягузорӣ ва тавсеаи иқтисодиёти рақами диққати ҷиддӣ диҳед. Чи тавре, ки Пешвои миллат муҳтарам Эмомалӣ Раҳмон қайд намуданд дар соҳаи роҳу нақлиёт 11 лоиҳаи давлатии сармоягузорӣ бо маблағи умумии беш аз 8,5 миллиард сомонӣ татбиқ шуда истодааст, ки дар рушди давлатдории мо хизмат менамояд. Соли 2019 ба маблағи 500 миллион сомонӣ 130 муассисаҳои таҳсилоти умумӣ бо зиёда аз   32 ҳазор ҷойи нишаст ба истифода дода шуд. Аз ин шумора 32 муассисаҳо бо 10 ҳазор ҷойи нишаст аз ҳисоби соҳибкорону шаҳрвандони саховатпеша ба маблағи 122 миллион сомонӣ бунёд шуда, онҳо дар сохтмон ва таъмиру азнавсозии муассисаҳои соҳаи маориф ва дигар бахшҳо рӯз ба рӯз афзуда истодааст.

 Муаллиф: аъзои маҳфили «Пайрави Пешвои миллат» дар назди бахши кор    бо ҷавонон ва варзиши ноҳияи Восеъ Назарова Сайёҳат.                           

Илова кард: Администратор | Илова шуд: 03-01-2020, 09:09:58 | Диданд: 518