Ба ҷо овардани хизмати Ватан-Модар ва сидқан дӯст доштани ин сарзамин вазифаи ҷонии ҳар як ҷавонмард аст. Восеъ: Дар ташкилоти ибтидоӣ ҳизбии “Меҳробод” муассисаи таълимии миёнаи умумии №4-и Ҷамоати деҳоти Гулистони ноҳияи Восеъ бо хонандагони синфҳои болоӣ (ҷавонписарон) вохӯрӣ баргузор гардид. Дар вохӯрӣ баромадкунандагон оиди масъалаҳои мубраим рӯз аз қабили истифодаи оқилонаи шабакаҳои интернетӣ, дур будан аз шомил шудан ба ҳар гуна ҳизбҳои ифротӣ, дӯст доштани ватани хеш ва омода будан дар химати Ватан-Модар, омӯхтани забонҳои хориҷӣ ва иштирок дар олимпиадаҳои ҷумҳуриявӣ ва дигар масъалаҳо андешаронӣ намуданд. Зимнан қайд гардид, ки ҷавонони кишварро зарур аст, ки суханҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмонро дарк намуда, ба боварии он кас бештар сазовор гарданд. Нагузорем, ки осудагиву оромии кишвари моро касе халалдор намояд. Хизмат дар сафи Артиш на танҳо қарзи фарзандӣ, балки ифтихор ва шарафи бузург аст. Ҷавонони матиниродаи миллати тоҷик бояд бо хоҳиши худ баҳри ҳимояи Ватан - Модар раванд. Аз хизмати Ватан саркашӣ накунанд. Хизмат худ мактаби ҷасорату матонат ва худшиносиву ходогоҳӣ мебошад.

Илова кард: Администратор | Илова шуд: 19-10-2022, 14:46:15 | Диданд: 247