Дастуру супоришњое, ки Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон дар охири сафари кории худ ба вилояти Мухтори Кӯҳистони Бадахшон ба ниҳодҳои дахлдори кишвар ҷиҳати барқарор намудани амнияти умумии минтақа додаанд, зарурӣ ва саривақтӣ арзёбӣ мегардад. Зеро тибқи хабарҳои матбуот солҳои охир теъдоди ҷинояткорҳо, хусусан нигаҳдории ғайриқонунии яроқу аслиҳаи оташфишон ва харидуфурӯши ғайриқонунии маводи мухаддир дар ҳудуди вилояти мазкур бештар ба чашм мерасад. Ин нуктаро дар ҷаласаи ҷамъбастии кори ситоди таъмини амният ахиран роњбарияти мақомоти ҳифзи ҳуқуқи кишвар дар гузоришҳои худ иаъкид доштанд.

Албатта аз сабаби вуҷуди сарҳади тӯлонӣ миёни ВМКБ ва Ҷумҳурии Исломии Афғонистон, ки дар он нооромиҳои сиёсӣ идома доранд, ин омил  метавонад мушкилоти иловагӣ эҷод намояд. Аммо ҳоло дар тақдири мо чунин ҳамсоя будааст ва аз тақдир ҷои гурез нест. Пас агар вазъи вилояти Мухтори Кӯҳистони Бадахшон ба ҳоли худ гузошта шавад, нооромиҳои кишвари ҳамсоя вазъи иҷтимоӣ ва сиёсии моро халалдор карда метавонад. Бинобар ин, натанҳо бар ниҳодҳои қудратӣ, балки бар ҳама мардуми кишвар - бадахшониву хатлонӣ ва суғдиву раштӣ лозим аст, ки зиракии сиёсии худро аз даст надиҳанд ва ҷиҳати таъмини амнияти кишвар саҳми арзандаи худро гузоранд.

Маълум аст, ки чанд гурӯҳи манфиатҷӯе аз берун истода мехоҳанд аз вазъи феълии Бадахшон суиистифода кунанд. Аммо як нуктаро набояд фаромӯш кард, ки бадахшониҳои сарбаланд аз ин гуна гурӯҳҳо ва “дилсӯзиҳояшон” безоранд.

Беҳрӯз Сатторов,

Намояндаи Маркази исломии Тоҷикистон

бознашр аз http://www.din.tj/?q=node/1139

Илова кард: Администратор | Илова шуд: 30-10-2018, 06:39:23 | Диданд: 643