Чун ба умқияти таърихи кишвар менигарем мебинем, ки дар ҳама давраҳои таърихӣ мардумони минтақаҳои гуногуни кишвар ҳамеша бо ҳам дӯсту бародар буданд ва ба муқобили душманони ғаддор паҳлуи ҳам истода меҳани хешро ҳифз намуданд.

       Бадахшон як қисмати сарзамини биҳиштосои мо тоҷикон асту дар тули солҳо бо ҳам он қадар омезиши хешу таборӣ пайдо намудаанд, ки бар хеш қиёс надорад. Таи солҳои истиқлолият аз ҳодисаҳои табии сел, заминларза нисбати дигар минтақаҳои кишвар, Бадахшон бештар зарар дид. Дар ин ҳама лаҳзаҳои душвор паҳлуӣ ин мардум на ягон нафар  ба ном дӯстдори меҳан, ки дар хориҷи кишвар зиндаги доранд буд, балки боз ҳамон мардуми Хатлону Зарафшон ва Рашту Хуҷанди Бостони буд.

       Имрӯзҳо нисбати ин минтақаҳои кишвар сарду садоҳое баланд мешавад, ки ҳеҷ гуна заминаи воқеӣ надоранд. Дуруст аст, ки бар он қавли, ки дигаронро ба коми оташ тела дода худ аз он кайфияте мебардоштанд, тартиботи навин ва риоя ба қонунҳои амалкунанда намефораду аз тарси ҷони хеш садоҳо баланд мекунанд. Вале дур нест он рӯзе, ки ҷавонони ба доми фиреб афтода миёни дусту душман фарқ гузошта, баҳри софдилона хизмат намудан бар марзу буми хеш камари ҳиммат мебанданд.

Шамси Араб

Илова кард: Администратор | Илова шуд: 01-11-2018, 07:05:54 | Диданд: 763