Чанде пеш пленуми Шӯрои собиқадорони ҷангу меҳнати ноҳия баргузор гардид, ки дар он аъзоёни Шӯро, Раиси ноҳия Мусо Ғафурзода, раиси Шӯрои собиқадорони ҷангу меҳнати минтақаи Кӯлоб Мирзо Бекматов, роҳбарони баъзе корхонаю муассисаҳо, намояндаҳои васоити ахбори омма иштирок доштанд.
Пленум фаъолияти Шӯрои собиқадорони ҷангу меҳнати ноҳияро дар давраи ҳисоботӣ мавриди муҳокима қарор дод.
Дар ҷаласа раиси собиқадорони ҷангу меҳнати ноҳия Қурбон Сафаров оид ба фаъолияти Шӯрои собиқадорони ҷангу меҳнати ноҳия тайи давраи ҳисоботӣ маърӯза кард. Сипас, аз рӯи маърӯза рафиқон Абдураззоқ Сафаров- котиби кумитаи ноҳиявии ҳизби Коммунисти Тоҷикистон, Бобохон Заробов-раиси собиқадорони ҷангу меҳнати ҷамоати деҳоти Худоёр Раҷабов, Бойназар Тағоев-сардухтури беморхонаи маркази ноҳия, Қосим Ғаниев-раиси Шӯрои собиқадорони ҷанговарони башардӯсти ноҳия, Мирзо Бекматов-раиси Шӯрои собиқадорони ҷангу меҳнати минтақаи Кӯлоб, Мусо Ғафурзода-раиси ноҳия баромад намуда, оиди саҳми собиқадорони ҷангу меҳнати ноҳия дар пешрафту рушди ноҳия, тарбияи ҷавонон ва насли наврас, роҳнамоии онҳо баҳри мехнати пурмаҳсул ба нафъи ҷамъият, ватандӯстӣ, хештаншиносӣ, росткорию ростқавлӣ, инсондӯстӣ сухан ронданд.
Пленум ба ҳайати Шӯрои собиқадорони ҷангу меҳнат тағйирот ворид намуда, ба ҷои аъзоёни хориҷшуда нафарони дигарро ба аъзогии Шӯро қабул намуд.
Пленум аз рӯи маърӯза ва баромадҳо қарори дахлдор қабул кард.

Илова кард: Мирзоев С | Илова шуд: 2015-12-11 | Диданд: 1097