Нафароне, ки дар хоки Тоҷикистони азиз таваллуд шудаанду аз ҳавои тозааш нафас ва аз оби мусафояш нушидаанд, ин сарзаминро биҳишти руи олам мешуморанду азизаш мешуморанд. Ин мисолро ман дар он манзури хонанда мегардонам, ки дар ҳақиқат русзабонони замони Шӯрави, ки дар ноҳияи Восеъ истиқомат доштанд ба воситаи интернет сомона кушода фикру муллоҳизаҳои худро нисбати ин диёр дарҷ карда ҳамчун сарзамини биҳиштосо баҳо медиҳанд.

          Дар ҳақиқат кӯҳҳои осмонбусу манзараҳои сабзу хуррами нотакрораш дар дили ҳар як бинанда меҳру муҳаббатро зам мекунад. Ҳарчанд ташкиллотҳое, ки бар зидди ин сарзамини амну субот мубориза мебаранд вале мардумаш яқин медонанд, ки хоки кишварашон аз ганҷи руи олам беҳтар аст. Мардуми сарзамини Тоҷикистон боре оташи ҷангро дида буд ва ба хуби медонанд, ки алангаи онро наметавон дар мудати кӯтоҳ хомӯш кард.  

          Баста шудани роҳҳо миёни шаҳру ноҳия ва вилоятҳо гуруснагиро ба миён овард. Барои ба даст овардани Истиқлолияти давлатӣ ҳамаи Тоҷикистониён бо ҳам омада оташи ҷанги хонумонсӯзро хомӯш карданд. Дар вақти ҷанги шаҳрвандӣ аз як деҳа ба деҳаи дигар рафтан кас ҷуръат намекард. Ҳоло бошад ҳар нафар метавонад дар дилхоҳ вақт ба ҳар гӯшаи Тоҷикистон рафтуомад кунад. Ҳамаи ин самараи Ваҳдату ягонагӣ мебошад, ки ба мо зарур аст, ки онро пос дорем.

Хатлоншоҳи М-сокини ноҳияи Восеъ

Илова кард: Администратор | Илова шуд: 23-04-2019, 12:14:06 | Диданд: 860